ORLANDO, AP.- Turistanan ku a bishitá parkenan temátiko mas grandi na Orlando a terminá desepshoná djaweps, na momentu ku e sentronan di divershon a sera tempran debí na Matthew i tin intenshon di mantené nan portanan sera te djasabra.
‘Mi ta un tiki tristu’, asina Amber Klinkel, di 25 aña, di Battle Creek Michigan a bisa, kende tabata bishitando e parke Universal ku su mama i su ruman chikitu.
Universal i Disney World a plania pa sera 5’or di atardi djaweps, miéntras ku Seaworld a sera 2’or di atardi. E atrakshonnan aki ta un di e puntonan turístiko mas bishitá na mundu.
Anthony Leotta, kende a yega Long Island, New York, djaweps, a indiká ku e mester a haña sèn di su ticketnan ku el a paga di Universal. Leotta, di bishita ku su kasa, a bisa ku mester abordá un krusero djadumingu i ku probablemente lo pasa solamente un dia den e parke.
‘Mi a paga pa tres dia den e parke i mi lo por usa solamente un dia’, asina Leotta a agregá.
