MADRID, AP.- Mayoria legislador di Spaña a ninga djárason e intento di e lider konservador Mariano Rajoy di forma un gobièrnu. Den un votashon despues di dos dia di debate Rajoy, presidente di Gobièrnu interino a keda rechasá pa 180 legislador kontra 170 ku no a bai di akuerdo manera por a spera. Mester di 176 marka den e parlamento di 350 asiento pero solamente a haña 137 legislador di su partido Popular i apoyo di 33 mas. Rajoy di 61 aña tin un di dos oportunidat djabièrnè kaminda e mester di simplemente algun voto mas. Tur kos ta indiká ku e no ta sali kabes pisá di e tèst aki i ku ningun otro partido no ta dispuesto pa dun’é apoyo ni sostené. Si no tin un gobièrnu nobo den dos luna e Parlamento ta disolvé atrobe i Spaña tin ku bai pa un di tres elekshon den un aña.
E votashon aki por tuma lugá den kabamentu di 25 desèmber. Rajoy ku tabata kontra di un gobièrnu interino a habri un debate djamars a bisa ku Spaña mester un gobièrnu urgentemente i ku un di tres elekshon lo ta un desaster. E lider sosialista Pedro Sanchez a kritiká e trabou di Rajoy den e gobièrnu for di 2011 i a bisa ku Partido Sosialista Obrero Español nunka lo duna sosten na esnan ku ta kulpa e desempleo, korupshon polítika i bahamentu di pèrsonal den servisionan nashonal di salú i edukashon. Rajoy a bisa ku e ta preferá di sigui purba pa intentá reuní yudansa sufisiente durante e próksimo dos lunanan ku meta pa evitá un di tres elekshon. E parlamento a keda partí den dos grupo nobo kual ta “aliansa di extrema izqueirda Unidos Podemos” ku a keda na di tres lugá i e “partido Cuidadanos” ku ta faboresé e empresa liber ku a keda na di kuater lugá. Ku e resultadonan aki a pone fin na e manera tradishonal bipartidista di Spaña, integrado pa e partido Popular i e PSDOE. E pais nunka tabatin un gobièrnu di koalishon i un grupo di polítika a desagradá e idea di negoshá akuerdo.
