BOGOTÁ, AP.- E presidente di Sentral Unitario di Trahadó na Colombia, Diogenes Orjuela, a señalá djamars ku lo realisá un parto nashonal nobo.
“Nos ta bai hasi un marcha di pas, kolorido, ku ambiente di Pasku”, asina el a agregá despues di un reunion ku boseronan di gobièrnu. E funshonarionan di ámbos parti lo bolbe reuní djaweps.
E protestanan a kuminsá riba 21 di novèmber ku manifestantenan rechasando e medidanan ekonómiko di presidente Ivan Duque riba e área di ekonomia i korupshon.
E gobièrnu a bai di akuerdo pa kuminsá ku un negosiashon ku organisashonnan di studiante i trahadónan ku a manifestá.
Polis metropolitano di Bogotá a informá na AP ku tres mil polis lo kontrolá e marchanan den diferente zona di e siudat pa evitá kualkier inkumbiniensia.
Entre e 13 eksigensianan, e komité kier pidi Duque pa retirá òf apstené di kambia leinan fiskal, laboral i di penshun, kual ya ta den desaroyo.
Kuater persona a muri den diferente protesta i marcha último. Diferente polis i manifestante tambe a resultá herida.