WILLEMSTAD – Awe manita polis a tuma nota di un mancha basta largu di gasoil riba Nieuwehaven nèt dilanti di e empresa Coca Cola. E gasoil aki tabata nèt riba e pida kaya unda mester bai bira pa subi Schottegatweg direkshon di Parera. Polis mesora mirando e peliger pa tráfiko a sera e parti di kaya aki i pidi brantwer bin duna asistensia. Mesora na nan yegada a tuma nota di e situashon i kuminsá ku nan trabou. A basha santu i bari esaki pa tapa e mancha di gasoil ku fásilmente por kousa ku un outo por slep i aksidentá. Asina ku a kaba ku e trabou di tapa e gasoil e kaminda a keda habri bek.
