Pastor deklará liber di tur akusashon di molèster seksual kontra menor

ORANJESTAD.-Korte na Aruba a deklará e hòmber Sophia, liber di tur akusashon den su kontra. Ta asina ku segun e akusashonnan mayornan di un mucha muhé a hasi denunsia ku e Sophia, un pastor na e Skol Tra’i Mèrdia lo a mishi ku pechunan di e mucha muhé na 2016.

Aparentemente na 2016 e mucha muhé tabata wak televishon ora ku e pastor a yega i e lo a mishi ku pechunan di e damsita. E víktima ta bisa ku tambe e pastor a pidié pa kita su karson pero el a ninga.

Den defensa di e hòmber e abogado Marchena a indiká ku mester presentá ku prueba i no por kondena e hòmber solamente riba palabra di e mucha muhé.

Sopia a keda insistí ku e ta inosente i asta ku e ta hòmber di Dios. Na final korte a deklará Sophia liber di tur akusashon. Mas detaye den EXTRA.

SHARE

LEAVE A REPLY