BWERA, UGANDA, AP.- E pastor kongoles, kende ta sospechá di a hiba e vírus Uganda, tabata deskonosí pa outoridat di salú te na momentu ku el a fayesé pa e enfermedat aki, segun informashon di e hefe di emergensia di Organisashon Mundial di Salú djabièrnè.
E situashon ta ilustrá e problema pa sigui rastro di e vírus aki, miéntras ekspertonan di OMS ta analisando e posibilidat pa deklará un emergensia mundial di salú.
Un terser famia di e pastor a fayesé despues ku el a wòrdu infektá na Uganda, segun dòkter Mike Ryan a indiká na The Associated Press. El a señalá ku e hòmber no tabata riba e lista di kontaktonan ku riesgo haltu, kual e trahadónan di salú ta usa pa ‘track’ infekshonnan i kontené e brote.
E tres famianan a wòrdu infektá ku ébola despues ku nan a biaha pa e Repúblika Demokrátiko di Congo pa un bishita. Su nietu, di 5 aña di edat, tabata e promé kaso di ébola na Uganda, i e promé morto kousá pa e enfermedat. Un ruman di 3 aña i su wela ámbos a muri despues, segun señalashon di outoridat di salú.
