WILLEMSTAD.- Nos a mira e videoclip nobo di Payo. Payo a trese hende yòn, adulto i asta ansiano huntu. Den su videoclip nobo titulá ‘Dal e Mama’ nos por mira kon Edsel a hinka su mensahe atrobe den un bachi humorístiko i kon e bisiña ku tin molèster di zonido, na momento ku e skucha i sinti e muzik ta kambia. Na lugá di drumi i pega soño e ta gosa i baila riba zonido di e muzik di su bisiña.
Mensahe i moral di e kantika aki ta ku semper lo keda eksistí hende ku tin nan propio opinion. Payo ta bisa aserka: “Wak pa semper bo keda bo mes i no laga niun hende na mundu purba kita bo identidat! Yena bo kurpa ku Amor pa bo por rondoná bo mes ku hendenan prèt, felis i kontentu”.
Un djis Edsel Payo ta na su dushi Isla Kòrsou. Su promé toká ku Salsa Session Band ku su amigu i koleganan músiko di Kòrsou ta djaweps dia 4 di aprel na Mundu Bizarro. Ku La Banda Loca ta djasabra dia 6 di aprel na Williwood na Bándabou i djasabra dia 13 di aprel na Zanzibar Jan Thiel.
Mas informashon tin riba www.edseljuliet.com òf riba su página di Facebook.
Videoclip ‘Dal e Mama’ riba YouTube: https://youtu.be/9CWtt0GvXKk
