WASHINGTON, AP.- E menasa di presidente Donald Trump, indikando ku e lo deportá inmigrantenan di kosta pa kosta ta for di “e ámbito di komportashon humano sivilisá”, segun afirmashon di e presidente di Kámara di Representante Nancy Pelosi, poniendo énfasis riba e divishon riba e teme di inmigrashon entre e dos partidonan.
Pelosi, un demókrata di California, a hasi e komentario aki despues di un tweet di Trump indikando ku e lo duna Kongreso dos siman pa solushoná “e problemanan di asilo” na frontera ku México.
E presidente a atvertí ku pronto lo tin redadanan na nivel nashonal pa deportá “miónes” di persona ku ta biba ilegalmente na Merka, inkluyendo famianan. E redadanan mester a kuminsá djadumingu, pero Trump a bisa ku el a posponé esaki konforme petishon di e demókratanan”.
