Pentagon a anunsiá retiro inmediato di Sekretario di Marina

JOHN PHELAN; siguiente alto funshonario merikano ku ta baha.

WASHINGTON (AFP).- E Sekretario di Marina (Secretary of the Navy) di Merka, John Phelan, ta laga su funshon “awor dirèkt”, segun Pentagon a anunsiá sin duda splikashon riba e motibu. E salida di Phelan ta sigui despues di destitushon, na komienso dje luna’kí, di e general Randy George, un dje funshonarionan mas haltu di ehérsito norteamerikano, komo tambe di dos ofisial di rango haltu.
Phelan “ta bandoná gobièrnu ku efekto inmediato”, segun e bosero di Pentagon, Sea Parnell, den un komunikado den kua e ta agregá ku e sup sekretario Hung Cao lo sustituí Phelan di forma interino.
For di despues di su regreso na White House den yanüari di 2025, Donald Trump a hiba un pleitu ku alto mando di forsanan armá, inkluso e hefe di Estado Mayor, e general Charles Brown, kende a keda destituí den febrüari di 2025 sin ningun splikashon. Entre otro ofisialnan di rango haltu ku a keda destituí ta figurá e hefe di Armada i Guardia di Kosta, e general dku tabata dirigí Agensia di Seguridat Nashonal, e vise komandante di Forsa Aereo, un almirante destiná na OTAN i tres abogado militar di rango haltu.
E Sekretario di Defensa, Pete Hegseth, a yega di bisa ku Trump ta eligí esnan ku e ke na kada funshon.