WILLEMSTAD.- Ayera tardi e músikonan di ‘Pepi Kugler Band’ a yega Kòrsou pa dje forma ei ta presente awe nochi pa nan presentashon na Lanthùis Klein Kwartier durante di ‘Lions Beer Fest’.
Pa awe nochi e evento ta kuminsá 7’or pa 10’or di anochi. Tin lugá di parker ku vigilansia na SUVEK i bùsnan ta transportá tur bishitante ku bùs pa Lanthuis Klein Kwartier.
Durante di “Lions Beer Fest”, ta sirbi e diferente serbesnan ku nos distribuidornan lokal, Licores Maduro, Leañez i Distribier, ta representá. Ademas tin un bar bon surtí ku diferente otro bibidanan na preis abou abou.
Banda di un tremendo ambiente tin delisianan manera “Bratworst”, “Schnitzel” i otro kumindanan.
Si bo no tin bo karchi ainda kumpra Mensing’s Caminada, van den Tweel Supermarket Zeelandia i Jan Thiel i serka miembronan di Curaçao Lions Club.
Riba foto nos por apresiá miembronan di Lions Club den kompania di e músikonan di ‘Pepi Kugler Band’.
