Update polisial:

Djárason 14 di òktober 2020 alrededor di 01.36 or di mardugá, Sentral di Polis a dirigí un unidat polisial pa Kaminda Jose Papa Liberia, pa asistí otro unidatnan pa un aksidente di tráfiko grave ku a tuma lugá.
For di un investigashon preliminar ku polis a hasi, a resultá ku shofúr di un outo di famia, despues di a nota presensia di polis den e área, a kore riba un velosidat haltu ku lusnan pagá i bai for di e sitio.
Polis a pèrdè e vehíkulo aki for di bista i djis despues a bin topa e vehíkulo aki, ku a aksidentá kontra di un palu di lus.
Promé ku esei, un dama okupante di e vehíkulo aki a keda benta riba kaya na momentu ku e shofùr aki a kuminsá kore den skual ku su outo.
Shofùr di e vehíkulo, debí na e impakto fuerte kontra di e palu di lus a keda pegá i ku yudansa di personal di brantwer a saka e víktima for di e outo.
E shofùr aki a sufri múltiple leshon i a fayesé na e sitio, miéntras ku ambulans a transportá e dama heridá pa sala di emergensia di C.M.C., pa tratamentu médiko.
Dòkter di polis ku a presentá na e sitio, a konstatá morto di e hòmber Reynaldo Roberto Ustasia nasé na Kòrsou, 12 di sèptèmber 1996.
Departamentu di tráfiko ta kontinuá ku e investigashon.

—————-

 

Awe den oranan di mardugá a surgi un persekushon den área di Jan Bos ku a bin kulminá den un aksidente fatal. Bosero polisial a bisa ku patruya a bin topa dos outo riba kaya moviendo sin lus ku tabata pa hasi kontrol pero nan a kore bai. Mas despues a bin topa ku un di nan i despues di un persekushon a bin aksidentá. Tabatin dos persona den e outo di kual unu a bin fayesé i e otro a keda transportá pa hospital. Keda pendiente pa mas informashon ofisial

 

 

LAGA UN KOMENTARIO

Please enter your comment!
Please enter your name here