WILLEMSTAD.- Djasabra 19 di aprel 2025 alrededor di 20.40’or, un unidat di U.S.T. a detené un hòmber di nashonalidat Hamaikino ku tabata permanesé di forma ilegal riba nos isla.
E hòmber aki tabata kore den un vehíkulo di kua ningun di su dokumentunan no tabata na òrdu.
Na altura di rotònde na Julianadorp e unidat a logra para e vehíkulo i a hasi e kontròl korespondiente tantu riba e shofùr komo e outo den kua e tabata sintá.
Un kran a transportá e vehíkulo pa kurá na Mahuma mientras ku a presentá e hòmber dilanti di un fiskal ouksliliar di Imigrashon, ku a ser’é pa violashon di e Lei di Atmishon i Ekspulshon pendiente di su deportashon.
