LIMA, PERU (AFP).- Perú awe lo start ku un kampaña di bakunashon kontra di dengue den kuater di su 25 regionnan despues di a registrá un kantidat rèkòrt di kaso e aña’ki.
Segun Ministerio di Salú (Minsa) a registrá 273.847 kaso di e enfermedat transmití pa sangura entre yanüari i novèmber, un 10% mas ku e aña anterior (248.709), segun e último balans.
Outoridatnan peruano tambe a konfirmá 259 morto debí na dengue pa loke ta 2024, sifra bou dje 435 mortonan ku e enfermedat a kousa den 2023.
“Pa kuida salú, baha kantidat di kaso debí na e enfermedat di dengue serka muchanan i adolesentenan di10 pa 16 aña, lo kuminsá ku e bakunashon den 16 distrito den e regionnan di Piura, Tumbes, Loreto y Ucayali”, segun a bisa den un komunikado. Di forma grátis lo bakuná un total di 222.750 mucha i hóben.
E aña’ki den luna di febrüari Perú a deklará emergensia sanitario den 20 di su 25 regionnan pa motibu di dengue.
Dengue ta un enfermedat viral ku ta keda kontraé pa piká di sangura, pero no ta transmití entre humanonan. Den kaso di muhénan na estado ta eksistí un riesgo grandi ku por kontagiá e beibi.
