WILLEMSTAD.- Riba 25 di ougùstùs 2019 alrededor di mitar di dos di mardugá un hobensita a wòrdu sekuestrá riba Caracasbaaiweg na altura di un trùk di pan.

E malechornan (un persona di sekso maskulino i unu femenino) a mara e damsita aki na su man i pia, tapa su wowonan, i bai ku e damsita aki kontra su boluntat na dos diferente bankomátiko,  i a oblig’e saka sèn for di tur dos bankomátiko. Unu den e bario di Jandoret i unu den bario di Buena Vista. E malechornan a trata na diferente okashon di choke i despues ku nan a logra saka sèn for di e bankomátikonan nan a bent’e, mara na su man ku pia, for di baranka na e mirador mei mei di Kenepa chikí ku Kenepa grandi.

Polis ta hasi un súplika na kualke persona ku por rekonosé e persona riba e grabashon aki of ku tin informashon tokante di e kaso aki, pa por fabor mèldu esaki na polis via di e numbernan 917 òf 108, kual ta e liña anónimo.

Hóben stazjèr atraká i tirá fo’i baranka na Westpunt!

LAGA UN KOMENTARIO

Please enter your comment!
Please enter your name here