WASHINGTON, AP. – Legisladornan brasilero a pidi Komishon Interamerikano di derecho Humano pa intervení den huisio di destitutshon di presidente Dilma Rousseff i revisá un posibel violashon na e proseso. Partido di Trahadó di Brasília a bisa ku e tres diputadonan i un senador a presentá e petishon di medida koutelar i un denunsia di violashon na e proseso, ounke e bosero di Komishon, Maria Isabel Rivero, a bisa na The Associated Press ku e no konosé e persona natural òf hurídiko ku a solisitá ámbos medida. Paritod i Trahadó a publiká e solisitut buskando pa “suspendé e golpe” kontra e mandatario suspendé.
Den e dokumento dirigí na e Komishon i ku tambe a keda publiká riba e página di e partido, kongresistanan a pidi pa duna Rousseff mando bèk, suspendé e proseso te ora CIDH resolvé e petishon òf suspendé e trámite di Senado te ora wòrdu demostrá ku esaki ta realisá kumpliendo ku garantianan di konstitushon.
Rivero a informá tokante e petishonnan algun ora despues ku Senado brasilero a vota pa un gran mayoria pa Rousseff bai huisio, dunando un paso mas den direkshon di su destitutshon. E bosero a splika ku e organismo no tin ningun laso pa proseso e solisitutnan.