WILLEMSTAD.- Caribbean Petroleum Refinery ta splika ku e petroli ku a yega Kòrsou ku e barku Colon ta pago di Venezuela ta tersera. Segun CPR nan ta duna servisio di almasenahe kumpliendo ku tur lei i sanshon vigente Caribbean Petroleum Refinery (CPR) ta desmentí informashon inkorekto, ku ta bisa ku CPR ta hasi posibel ku por usa terminal di almasenahe na Kòrsou pa eskivá tratadonan i sanshonnan imponé pa Merka kontra Repúblika Bolivariano di VenezuelaWILLEMSTAD.- Caribbean Petroleum Refinery ta splika ku e petroli ku a yega Kòrsou ku e barku Colon ta pago di Venezuela ta tersera. Segun CPR nan ta duna servisio di almasenahe kumpliendo ku tur lei i sanshon vigente Caribbean Petroleum Refinery (CPR) ta desmentí informashon inkorekto, ku ta bisa ku CPR ta hasi posibel ku por usa terminal di almasenahe na Kòrsou pa eskivá tratadonan i sanshonnan imponé pa Merka kontra Repúblika Bolivariano di Venezuela i su kompanianan estatal. Pendiente pa firma un “Heads of Agreement” ku finalmente lo hiba na un kontrakt di “lease”, CPR di buena fe a sera un akuerdo pa “lease” Bullenbaai pa almasenahe, kaminda CPR ta fasilitá servisio di almasenahe na terser partidonan. Ta CPR su manera pa mustra ku e ta un partner serio i ku ta komprometé ku e komunidat aki. Den e ròl akí CPR no ta negoshá den benta i kompra...