LISBOA, PORTUGAL, AFP.- E presidente di Komishon Europeo, Ursula von der Leyen a bisa djabièrnè ku e laboratorio Pfizer a garantisá entrega di e vakunanan kontra COVID-19 konforme e periodo akordá ku Union Europeo. Esaki ta sosodé den e promé trimèster di 2021.
E laboratorio merikano a konfirmá ku tin retrasonan den entrega di e dósis konfirmá pa motibu di labornan ku ta tumando lugá den e planta di protekshon na Puurs den Bèlgika. E dósisnan destiná pa UE ta sali for di e planta aki.
Von der Leyen a bisa ku el a tuma kontakto ku e direktor general di Pfizer “kende a sigurá ku lo entrega tur dósis den e promé trimèster”.
