WILLEMSTAD.-Un petishon di gobièrnu a bai na presidente di Parlamento pa konvoká un reunion mas pronto posibel unda minister presidènt i minister di finansa lo por duna e komishon enkargá ku Relashonnan den Reino un splikashon detayá di palabrashon ku a yega na dje ku Ulanda.

Den e karta fechá 19 di yüli último i firmá pa respektivamente señor Gilmar Pisas i Javier Silvania ta urgi e presidente di Parlamento sra. Charetti America-Francisca pa yama e reunion mas lihé posibel. Na opinion di e dos ministernan ta importante pa e komishon enkargá ku Relashonnan den Reino di Parlamento di Kòrsou por tin tur informashon relevante tokante e puntonan di bista rondó di COHO 2.0

E loke e ministernan ke splika ta e konseho ku Raad van State a duna pa loke ta trata kambio di e lei i na di dos lugá e puntonan ku Kòrsou no a logra un akuerdo ku Ulanda. Pues awor gobièrnu ta pendiente kontesta di Parlamento pa tene un presentashon riba COHO 2.0 den Parlamento.

 

LAGA UN KOMENTARIO

Please enter your comment!
Please enter your name here