ORANJESTAD.-Un piskadó a kai awa i a pèrdè su bida, asina polis di Aruba ta informá. E informashon di polis ta bisa ku awe mainta pa mas o ménos 10’or sentral di polis a haña informashon, for di polis marítimo, ku dos piskadó a bai piska i unu a kai na awa.
A informá wardakosta di e kaso i mesora nan a na e parti zùit di Barcadera. Einan a bin topa ku e boto di piskadó. E hòmber riba e boto a informá wardakosta ku su amigu piskadó a kai na awa y no ta reakshonando. Personal di wardakosta a hasi esfuerso, pero esei a resultá embano ya ku e persona no tabata duna señal di bida mas.
Méhiko forénsiko, polis forénsiko, i slachtofferhulp tabata wardando riba nan. Lamentablemente no por a hasi nada mas i a konstatá morto di e hòmber Inocencio Filomeno Matos nase na Aruba 22 yüni 1943 (81 aña). Kuerpo polisial ta manda palabranan di kondolensia i forsa na famia di e defuntu.
