MANILA, AP.- Un piskadó filipino riba e isla di Palawan a haña loke por ta e pèrla mas grandi na mundu, pero e no tabata sa esaki.
Durante 10 aña, e pèrla di 34 kilo tabata skondí den un saku bou di un kama. E famia di e piskadó tabatin suerte promé ku a sali di laman, segun un miembro di famia, Aileen Amurao.
Amurao, kende ta un funshonario di turismo den e siudat Puerto Princes, a bisa djaweps ku e hòmber a duna e pèrla siman pasá pa wardá esaki debí ku e tabata mudando.
E pèrla tabata den su kas durante algun siman te ora ku el hasi un búskeda ribainternètiasorprendé su mes despues di a ripará ku por ta trata di esun mas grandi na mundu, e pèrla ta di 67 centimeter largu i 30 centimeter hanchu.
E piskadó, su tata i rumannan a haña e pèrla, di forma iregular. Esaki tabata den un uster enorme ku a pega den un anker di su barku na momentu ku nan tabata buska un kaminda temporal pa mara segun Amurao.
E piskadó no kier a wòrdu identifiká.
Amurao ta bisa ku e, e piskadó i e famia a disidí pa entregá e pèrla na alkalde di e siudat, ku a pone esaki den ekshibishon di un vitrina pa atraé turistanan. E piskadó lo risibí un kompensashon no konosí, di parti di e gobièrnu munisipal, segun Amurao. E piskadó no tin intenshon di bende esaki.
Ekspe r tonan di e Universidat di Filipina a ekspresá interes pa inspekshoná e pèrla, pero Amurao a bisa ku no a pone un fecha pa esaki su bishita.
No ta promé biaha ku ta haña un pèrla grandi den Palawan.
Un pèrla di 9 kilo, yamá “Perla di Rei”, a wòrdu hañá riba e isla na aña 1939 i ta ekshibí den un hotèl na Boracay. Prensa lokal a reportá ku piskadónan lokal a deskubrí otro pèrlanan enorme den e provinsia. Inkluyendo unu ku tabata pisa 24,75 kilo.
