PRETORIA, SURAFRIKA, AP.- Oscar Pistorius, e koredó olímpiko ku pia amputá, a keda sentensiá djárason na seis aña di prizòn pa e asesinato di su frei Reeva Steenkamp.
E hues Thokozile Masipa a indiká ku ta duna un sentensia muchu ménos ku esun normal pa asesinato na Suráfrika, kual ta 15 aña di prizòn. El a bisa ku “Nos korte ta korte di lei, no tribunal di opinion públiko”.
Pistorius, kende a tira Steenkamp ku un pistol atraves di un porta di baño den su kas na 2013, a lanta para dilanti di Masipa na momentu ku e sentensia a keda anunsiá na Pretoria, e kapital di Suráfrika. E tabata hopi trankil despues di a tende e desishon. El a brasa un tanchi di dje i su ruman muhé, ku tabata yora, promé el a wòrdu hibá pa su sèl, i despues trasladá pa prison.
E sentensia ta e último akto den un drama legal ku a prolongá durante tres aña i mei, transmití bibu riba televishon. Pistorius a sufri un amputashon di ámbos pia bou di su rudia na momentu ku e tabatin 11 luna debí na un defekto na su serebro.
Den weganan olímpiko di 2012, el a hasi historia despues di kompetí ku su prótesis di fibra di karbono i tabata un di e atletanan mas famoso na mundu.
Despues di splika su kondena, Masipa a bisa ku tin sirkunstansianan sustansial i konvisente pa Pistorius, kende el a deskribí komo un “bon kandidato di rehabilitashon”. El a señalá ku ta improbabel ku eks atleta ta bolbe kometé un otrokrímenikueamustra arepentimentu pa morto di Steenkamp.
