ANCHORAGE, ALAKSA, MERKA, AP.- Ta ofisial ku Pitbull lo biaha pa Alaska.
Den e último simannan Walmart a hasi un konkurso riba su página di Facebook pa e tienda ku e number mas grandi di “Like” por tabatin e honor di haña e intérprete “I Know You Want Me” i “International Love”.
Un reportero do e korant The Boston Phoenix a pensa ku lo ta dibertido pa manda e kantante di orígen kubano, kende su nòmber ta Armando Christian Perez, pa e Walmart mas ‘isolá’ posibel. A pidi e hendenan pa primi e ‘like’ riba Facebook na Kodiak. E mensahe a wòrdu skucha i Walmart a gana ku mas di 70.000 voto.
Walmart a bisa ku e detayenan di e bishita di Pitbull ainda mester wòrdu pone definitivamente pero lo hasi esaki na final di
luna.
Durante e konkurso Pitbull a skibi riba Twitter: “Mi a tende ku tin repelente di ber na Kodiak, Alaska, na Walmart”.
Un bosero di Walmart a bisa ku e trahadónan na Kodiak lo tin repelente kontra ber kla pa e bishita di Pitbull.
