WARREN, MICHIGAN, MERKA. AP.- E kandidato presidensial demókrata Hillary Clinton a ataká e plan ekonómiko di su rival republikano Donald Trump. El a deskribí esaki komo un karidat pa esnan riku i un peliger pa ekonomia.
Clinton, kende frekuentemente ta papia i diferente plannan polítiko, no a ofresé ideanan nobo pa mehorá ekonomia di su pais den su diskurso den un fábrika na Michigan. Na lugá di esaki, el a ataká e “ideanan di estafa di Trump”, kual a wòrdu rechasá pa ámbos partido.
“Basá riba loke nos sa di e kampaña di Trump, e kier pa Merka traha pa e i su amigunan, riba kosto di sobrá hende”, asina el a bisa riba un planta di Futuramic Tool & Engineering, na Waren Michigan.
