EDINBURGH, REINO UNI, AFP.- E promé Minister britániko Boris Johnson a rechasá un di dos petishon pa realisá un referendum basá riba independensia di Eskosia.
Un votamentu ta nifiká ku mayoria eskoses ta na fabor di independensia i esaki ta nifiká ku lo kibra mas di tres siglo di relashon ku Inglatera.
E lider konservativo Johnson a afirmá ku e parlamento di Reino Uní lo no duna pèrmit pa realisá un votamentu.
Un enkuesta a konkluí ku 54% di e pueblo eskoses ta na fabor di independensia. E promedio di mayoria enkuesta ta 51% na fabor di independensia.
Un di e argumentonan prinsipal pa independensia ta Eskosia su abilidat pa tuma su propio desishonnan, i no laga su futuro den man di polítikonan ku e pueblo eskoses no a vota p’e “i pone nos riba un ruta ku nos no a skohe”, segun indikashon di minister Sturgeon di Eskosia.
