QUITO, ECUADOR.- Te ku ayera Ecuador tabata bou di estado di emergensia despues di asesinato di e kandidato presidensial Fernando Villavicencio. Un pais ku tur tempu tabata biba na pas a para bira unu di violensia i dominá pa preokupashonnan en konekshon ku korupshon i trafikashon di droga. Villavicencio (59), un èks periodista i un luchadó prominente kontra korupshon a ser asesiná e siman aki na momentu ku e tabata drentando un outo meimei di su kampaña elektoral pa presidensia dje pais.
Siudadanonan rabiá a ekspresá nan frustrashon pa motibu ku e pais a bin ta mira un oumento drástiko den kasonan sangriento di asesinato relashoná ku trafikashon di droga. Siudadanonan a duna di konosé ku nan ta rabiá pa loke a sosodé, ta mata un persona ku tabata ser konsiderá komo e speransa pa honestidat den e pais ku ta pèstá ku polítikonan korupto.
E atake aki a bini algu mas ku un siman despues ku presidente dje pais Guillermo Lasso a disidí di disolvé kongreso djis pa el a evitá un kaso kontra dje pa korupshon. E no ta buskando reelekshon. En e mesun rosea outoridatnan den e pais a duna di konosé ku e elekshon lo sigui normalmente i riba e mesun fecha ku ta dia 20 di ougùstùs 2023.
