SANTIAGO DE CHILE, AP.- E pobresa a baha di 15,1% pa 14,4% na Chile den e último dos añanan, segun un enkuesta publiká djabièrnè pa e presidente Sebastian Pinera, kende a bolbe marka su kompromiso di eradiká e indigensia den tèrmino di su gestion den 2014.
Relashoná ku e enkuesta anterior riba pobresa hasi na 2009, e indigensia a registrá tambe un bahamentu di 3,7% di e poblashon pa 2,8%.
E mandatario a bisa ku na momentu ku su mandato di kuater aña kaba, e indigensia lo a disparsé òf al ménos baha bou di 1%, segun e minister di Desaroyo Sosial Joaquin Lavin a ekspresá.
“Mi ke bisa awe ku tu r e forsanan di mundu i kompromiso ku nos tin komo gobièrnu pa derota pobresa den nos pais ta wòrdu mantené mas fuerte ku nunka. Nos ta bai hasi tur kos nesesario pa duna lo mehor di nos mes pa kumpli ku e kompromiso ei promé ku nos gobernashon kaba”, asina Pinera a bisa.
