WILLEMSTAD – Awe mardugá alrededor di 01.40 or di mardugá, Sentral di Polis a haña notifikashon ku riba dak di un banko na Jan Noorduynweg tin tres hòmber. Na yegada di e unidat polisial na e sitio, nan a subi dak di e banko i topa ku tres hòmber sospechoso riba e dak. Polis a nota ku e dak tabata kibrá i e plafòn tabata saká. Mesora a detené e hòmbernan sospechoso: G.J.G. di 21 aña di edat, D.M.J. di 24 aña di edat, I.T.T. di 22 aña di edat, tur tres nasé na Kòrsou. Detenshon ta relashoná ku intento di ladronisia i destrukshon. Tambe polis a konfiská un paté kabra i un tas konteniendo hanskun pretu, masker pretu ku tabata riba e dak. A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.
