WILLEMSTAD – Awe den oranan trempan di mèrdia outoridatnan polisial mester a akudí na un kas den área di Krakeel pa un persona ku problemanan mental. E persona lo tabata menasa ku arma di kandela i pa evitá un situashon mas lamentabel, polisnan asera un parti di e área A trata na papia ku e persona pero esaki tabata enbano. Dado momento tim di aresto a disidí ku no por papia mas i mester aktua pa evitá ku e situashon ta bai eskala. Di e parti patras di e kas a tira un gas lakrimógeno i kibra drenta pa dominá e persona i hasi su detenshon. A pidi e profeshonalnan den tipo di kaso asina aki yega pa atendé ku e persona en kuestion.
