WILLEMSTAD – Den oranan di atardi outoridatnan a risibí notifikashon ku lo tin dos vehíkulo skonde den área di dam di Muizenberg. Mesora a saka un patruya pa e sitio i a bin topa un Nissan Versa ku den siman ei a keda hòrta na Piscadera Bay Resort. Por a konstatá pa suerte di e doño ku ainda e outo tabata intakto i ku e ladronnan no a logra pluma esaki ainda. Banda di e Nissan a bin topa un Kia Sportage kolo pretu i esaki si tabata tur pluma. Ironia ta ku mester a pidi un loader pa drecha e kaminda pa por a laga kran kue e dos vínkulonan aki. E pregunta klave ta ku e ladronnan a logra bai skonde e outonan aki na e sitio. Investigashon lo tuma luga den e kaso aki tambe.
