Detenshon 8 shofùr burachi
ORANJESTAD.-Aruba a selebrá nan Parada di Flambeu ayera djasabra 3 yanüari 2026. Polis di Aruba informá ku nan ta kontentu ku e parada a bai bastante bon primordialmente pasobra tabatin bon komportashon di públiko. Loke si a laga di deseá ta e komportashon di shofùrnan. Mester a detené 8 shofùr ku tabata manehá bou di influensia di alkohòl. E parada a kuminsá eksaktamente 8’or di anochi na altura di Avenida Milo Croes. E final tabata na loke ántes tabata DOW pa 02:41 am.
Departamento di Tráfiko i Unidat Motorisá a hasi kontrol promé durante i despues di e Parada di Flambeu. E departamento di Tráfiko a kontrolá na komienso di e Parada di Flambeu pa loke ta trata e papelnan di outo i reibeweis válido. Unidat Motorisá a hasi kontrol na diferente kamindanan stratégiko durante di e parada.
A detené un total di 8 shofùr ku a manehá bou di influensia di alkohòl. Polis Motorisá a wak un outo sospechoso na altura di un kas na den Laurens Costenstraat. E agente di Unidat Motorisá aserka e outo, pero e shofùr a dal e agente su ku bròmer i e pasahero a saka un arma di kandela.
E agente a pidi mesora pa refuerso i asina a kuminsá ku un búskeda den e área. Na altura di RCA ta topa ku e hòmber ku a saka e arma di kandela i a detené. Tambe a konfiská un arma di kandela.
