ORANJESTAD.- Informashon for di bosero polisial di Aruba ta indiká ku a logra detené e sospechoso Li-Angelo Robert Rayshen Carmona Alcantara nase Aruba 26 òktober 2007, alias ‘Kuki’ den oranan di mèrdia na warda di polis na Shaba.
Manera EXTRA a informá den oranan di mainta, polis di Aruba a emití un anunsio den kua a pidi búskeda di e sospechoso ‘Kuki’. E sospechoso aki ta detené relashoná ku un kaso di tiramentu ku a tuma lugá resientemente.
Polis Aruba ta buskando ‘KUKI’
ORANJESTAD.- Un informashon di último ora ta indiká ku Kuerpo Polisial di Aruba, konhuntamente ku Ministerio Públiko ta buska e sospechoso Li-Angelo Robert Rayshen Carmona Alcantara nase na Aruba 26 òktober 2007, alias “Kuki”. Esaki ta relashoná ku e kaso di tiroteo ku a tuma lugá djadumingu mardugá 25 di mei 2026 riba e parkeerplaats di The Village. Ta sospecha Kuki di homisidio den e kaso menshoná. Bosero polisial ta hasi apelashon na number di polis Aruba pa tur hende ku por tin informashon, pa yuda I tuma kontakto ku polis via di e ‘tiplijn’ 11141
Bo ta keda anónimo.
