LONDON, REINO UNI, AFP.- Polis britániko a konkluí su investigashon relashoná ku “partygate”, kual ta fiestanan ku a organisá riba Downing Street, kontra restrikshonnan di covid-19, sin prosèsverbal adishonal pa promé minister Boris Johnson.
Algun ratu despues ku Scotland Yard a anunsiá fin di e investigashonnan, un bosero di Johnson a informá ku polis “a konfirmá ku lo no tuma mas medida” kontra dje.
Mayoria diputado a pidi pa warda riba resultado di e investigashon pa disidí si lo intentá un moshon di sensura interno pa kambia e premier.
Johnson a haña un prosèsverbal di 59 euro den aprel, pa partisipá den un fiesta di sorpresa pa su di 56 kumpleaño den yüni 2020, durante e pandemia di corona vírus, den e sala di konseho di minister.
E lider konservador a diskulpá dilanti di Parlamento, pero el a ninga ku e lo baha bisando ku e no “a pensa na e momentu ei, ni despues” ku su partisipashon den e enkuentro breve ai lo “konstituí un infrakshon di e” reglanan di covid.
