WILLESMSTAD – Awe mainta outoridatnan a akudí ku urgensia na un kas den Inaguaweg na Buena Vista pa un hòmber morto pechu ariba den un plas di sanger. Na yegada di e patruya polisial a pidi pa mas asistensia komo ku e bin haña e víktima benta abou den su sala i ku kap grandi na su kabes i sanger tur kaminda. Polis hasiendo investigashon a tuma nota ku den su kamber tabatin un kashi kompletamente di bòltu i kas tambe yen kos brua dunando indikashon ku un persona lo por tabata buskando algu. P’esei a manda yama Atrako Tim pa tambe akudí na e sitio pa hasi mas investigashon. TFO mesora tambe a akudí na e adrès meskos ta e kaso ku dòkter di polis. Investigashon lo mester determiná si ta trata di un kaso di atrako òf un morto natural. Promé indikashon ta mustra ku e víktima ta un persona di mas edat i no hóben.
