WILLEMSTAD – Djárason 1 di yanüari 2025, alrededor di 02.59’or, Sentral di Polis a dirigí unidatnan polisial i di brantwer na un adrès na Groot Sta Martha kaminda un kas tabata na kandela.
Na momentu ku e unidatnan a yega na e adrès, nan a bin topa un kas parsialmente na kandela.
Segun informashon risibí na e sitio dos persona tabata tin kemadura na nan kurpa i 2 otro lo mester a inhalá bastante huma i a keda inkonsiente. A pidi presensia di personal di ambulans, ku a atendé ku e víktimanan i despues a transportá nan pa Sala di Emergensia di C.M.C. pa nan por risibí tratamentu médiko mas avansá. Ta sospechá ku e kandela aki a wòrdu okashoná intenshonalmente. Investigashon den e kaso aki ta kontinuá.
Polis ta supliká tur persona ku por duna kualke informashon tokante di e kandela aki pa tuma kontakto ku polis na number di telefòn 917 òf e number anónimo 108.
