WILLEMSTAD.- E polis V.F. di 45 aña ku a presentá den korte pa a tira un ladron na aprel aña pasa, a keda sentensia na 24 ora kondishonal. Den su sentensia wes a bisa ku e no a aktua konforme su regla di trabou. E kaso a hala basta polis ku a presentá e kaso djis un ratu pasa. Por a sinti polisnan basta rabia ku e sentensia.
E kaso a keda trata tres siman pasa na kua okashon e polis a bira ku e mester a aktua hopi lihe i p’esei e ladron a haña bala den rudia. Na e okashon ei fiskal a enfatisá ku mester ta hopi kouteloso ku e posishon di e funshon spesial di e akusado, ku tambe ta promé biaha ku el a bin den kontakto ku hustisia. Fiskal a demandá un kastigu di 24 ora kondishonal di trabou, ku 1 aña di prueba pa V.F. Wes a bai di akuerdo ku e demanda di fiskal i e akusado a keda sentensia na 24 ora kondishonal. Tur detaye di e kaso aki den nos edishon di mañan.
