WILLEMSTAD.- Nos a yega e di dos fin di siman kual medidanan a keda suavisá. Siman pasá wikènt outoridatnan tabatin nan man yen ku kasonan di aglomerashon i butamentu di ‘fever’. Den e fin di siman aki, polis lo sigui ta atento i lo aktua ku determinashon, kontra di violashonnan ku ta tacha òrdu públiko. Medidanan stipulá pa gobièrnu ta keda na vigor i ta konta pa tur siudadano di nos isla. Lo no permití ponementu di ‘fever’, aglomerashon ni violashon di e orario di toke de keda.

Ta supliká tur siudadano pa sigui òrdu duna dor di outoridat inmediatamente. Laga nos tur aportá na tene e situashon di plamamentu di e vírus di Corona bou di kontròl.

Bo Kuerpo Polisial ta konta ku bo den esaki tambe!

LAGA UN KOMENTARIO

Please enter your comment!
Please enter your name here