WILLEMSTAD – Djasabra den oranan di atardi polis mester a los bala riba un outo ku algun hoben den dje. Esaki despues ku nan lo a manda outo riba outoridatnan. Tur esaki mester a tuma lugá riba Seru Fortunaweg na momentu ku polis tabata persiguié e Hyundai kolo blanku. Dado momentu e Hyundai aki a dal den un otro outo i na momentu ei nan a manda outo riba polis. A agentenan polisial mester a los bala i esaki a perforá un di e tire nan di e outo. Asina mes nan a sigui kore bai. Dado momentu nan a para e outo i hui na pia drentando den mondi. TOD a bin na e sitio pa hasi nan investigashon. Polisnan mester a bai na un kas en buska di e sospechosonan pero no a haña ningun di nan.
