Personanan ku ta traha na un kompania/establesimentu vital i ku ta wòrdu hibá i buská:

Pa personanan ku ta traha na un instansia òf na un establesimentu vital ku mester bai trabou i no ta disponé di propio transporte, pero ta dependé di otro persona pa hiba i buska nan ta konta lo siguiente.

E persona ku ta traha na e kompania òf establesimentu vital ta disponé di un karta di eksonerashon ku su doño di trabou a pidi p’e.

E persona ku ta buska i hiba e persona aki trabou, mester kore ku un kopia di e eksonerashon aki ku adishonalmente riba e kopia, tin un kopia di e sédula tantu di e doño di e eksonerashon (e empleado) komo e portadó (pues e shofùr ku ta hiba i trese).

Si e doño di e eksonerashon ta traha warda, e portadó mester tin un kopia di e roster tambe di e empleado huntu kuné di manera ku polis por averiguá na punto di kontròl.

Tin algun di e kompanianan aki ku ta sumamente vital di kua nan no ta haña un karta di eksonerashon pero ta usa nan karnèt di trabou.

Den e kaso ei ta konta meskos, ku e shofùr ku ta hiba i buska e empleado mester kore ku un kopia di e karnèt aki huntu ku kopia di sédula di e empleado i di e shofùr mes.

Polis ta aklará algun punto (1): Ménos moveshon i ménos hende riba kaya

LAGA UN KOMENTARIO

Please enter your comment!
Please enter your name here