Polis ta alkansabel via app (5242480) i numbernan kustumbra

WILLEMSTAD.-  Relashoná ku e diferente kasonan di sendementu di kandela, destrukshon i sakeonan di último dianan, Kuerpo Polisial huntu ku su partnernan ta asumiendo su responsabilidat di restablesé òrdu i e sentido di trankilidat bek den nos komunidat.

Ya kaba a detené un kantidat di sospechoso ku a hasi nan mes kulpabel na e aktonan aki i ketu bai tin mas detenshon pendiente.

Polis ta alerta i ta reakshoná inmediatamente riba situashonnan ku por bira posibel menasa pa nos sosiedat.

No ta tolerá bou di ningun sirkunstansia ningun akto kriminal ni ningun atentado kontra òrdu públiko òf seguridat di nos nashon.

Kuerpo Polisial ta keda hasi un súplika na komunidat, pa den kasonan ku bo nota un situashon sospechoso den bo alrededor, pa notifiká polis mesora.

Di e manera aki nos por evitá ku situashonnan ta sali for di man.

Por tuma kontakto ku polis via e number di app 5242480 òf e numbernan di telefòn 917 i den kasonan di urgensia, 911.

Si bo ta deseá di keda anónimo, por yama e number 108.

SHARE

LEAVE A REPLY