WILLEMSTAD – Team di Joyride di Korps Polisial Kòrsou (KPC) a kanta bingo djaluna mainta. Nan a logra haña un Kia Picanto den un kura tras di un kas na Kaya Eugene A.M. Testing, ku ta situá den e bario Sapaté.
Djaluna 1 di yüni 2026 alrededor di 09.36’or, Sentral di Polis a risibí informashon ku deskonosínan ta plumando un vehíkulo patras di un kas den Kaya Eugene Testing. Mesora diferente unidat a mobilisá pa e sitio i a sera e área. Na un adrès den e kaya enkestion, enberdat a bin topa kuater (4) hòmber ku tabata plumando un outo. Inmediatamente polis a hasi detenshon di e hòmbernan:
➢ D.M. di 17 aña di edat;
➢ J.A. di 16 aña di edat;
➢ J.R. di 13 aña di edat;
➢ D.R. di 19 aña di edat, tur nasé na Kòrsou. A presentá e kuarteto dilanti di un fiskal ouksiliar ku a ordená nan enkarselamentu pendiente di mas investigashon, mientras ku a konfiská e outo.
Kuerpo Polisial ta gradisí komunidat pa ta atento i ta suministrá polis informashon mesora di situashonnan sospechoso, di manera ku polis por respondé lihé riba dje. Danki pa aportá na un Kòrsou mas sigur i di ta kombibí ku siudadanonan ku ta sufri pa e krímen di ladronisia di outo aki.
