WILLEMSTAD.- Riba òrdu di Fiskal di Ministerio Públiko polis ta pidi búskeda pa detenshon di e hòmber sospechoso Farleyson Hose Ortela di 27 aña di edat nasé na Kòrsou.
E hòmber aki ta sospechá di ta envolví den kaso di intento di asesinato, menasa, violashon di lei di opio i violashon di lei di arma.
Farleyson Hose Ortela tin e siguiente deskripshon:
Haltura: 1.79m
Postura: normal;
Kabei: pretu natural;
Koló di kueru : maron skur;
Koló di wowo: maron skur;
Polis ta supliká tur persona ku por duna kualke informashon tokante di e hòmber sospechoso aki pa tuma kontakto ku polis na number di telefòn 911, 917, 724-0173.
