BALTIMORE, MAYLAND, MERKA, AP.- Un hues a eksonerá un polis di Baltimore pa homisidio i otro kargonan djaluna pa e morto di Freddie Gray. Un hòmber koló skur a fayesé debí na e leshonnan ku el a risibí den un trùk di polis pa transporte di personanan detené.
Esaki tabata e di kuater huisio kaminda fiskal no a logra gana e kaso.
E teniente Brian Rice, e agente di rango mas haltu di e seis akusadonan, tabata enfrentá kargo pa asesinato, imprudensia i mas práktika laboral. Hues Barry Williams, di korte di sirkuito di Baltimore, a retirá un segundo kargo pa asalto den segundo grado, i fiskalnan a retirá un segundo kargo pa mal práktika kontra e polis di 42 aña, kual ta koló kla.
E morto di Freddie Gray na aña 2015 a kombertí den un bandera di Lucha pa e movishon, Black Lives Matter. Esaki a kousa indignashon na nivel nashonal relashoná ku e trato kontra hende koló skur di parti e sistema di hustisia penal. Esaki a generá e disturbionan mas grave ku por a tuma lugá den último dékada.
Den e kaso aki, e dos polisnan akusá tabata koló kla i tres tabata skur. E víktima, hues, i e fiskal prinsipal i tambe e alkalde ta kolo skur. Na momentu di morto di Gray, e hefe polisial tambe tabata koló skur.
Den su veredikto, hues Williams a bisa ku e echo ku e detenido no tabatin faha di seguridat den un trùk di transporte no ta un krímen, i a agregá ku e estado no a logra mustra ku Rice tabata sa tokante su obligashon pa pone e faha di seguridat pa Gray ni ku Polis no a kumpli ku e tarea aki intenshonalmente.
