GARNER , NORTH CAROLINA, MERKA, AP.- Un polis di North Carolina a keda retirá di nan labor i poné bou di lisensia atministrativo despues di a keda detené i akusá di ataká dos muhé. Vários medio di komunikashon lokal a informá ku Silvestre Mendoza, di 26 aña di edat i asigná na e siudat di Garner, a keda detené djadumingu pa polisnan di kondado di Johnston i a keda instruí di dos kargo di atake kontra un muhé. Segun un òrdu di detenshon, Mendoza a keda akusá di gòlpiá un muhé djabièrnè. E ta akusá tambe di a morde un otro muhé djasabra.
Segun medionan lokal, Mendoza a ninga di papia tokante e kargonan. El a bisa ku ainda e no tabatin un abogado.
E polis di Garner a informá ku Mendoza a wòrdu kontratá dia 21 di mart i a keda asigná na e divishon di patruyahe.
