COLUMBUS, OHIO, MERKA, AP.- Un mucha di Ohio di 13 aña a wòrdu tirá na momentu ku polis tabata investigando un ladronisia. E tabatin un pistol di ko’i hunga ku tabata parse unu di bèrdat i a sali kore pa asina hui di e agentenan. Asina un amigu ku tabata huntu kuné a relatá.
Tyre King a risibí un tiru fatal djarason anochi, despues ku vários testigu a informá ku un grupo di persona a hòrta 10 dòler di un hòmber deskonosí.
E amigu di e hóben ku a keda tirá, Demetrius Braxton, di 19 aña di edat, a bisa na The Columbus Dispatch ku King kier a hòrta sèn di un persona. El a indiká ku e tabata kuné na momentu di e tiru.
Braxton a bisa ku polis a orden’é pa drumi riba suela. El a agregá ku ounke nan a hasié, Tyre a lanta i kuminsákoreiawòrdutirá. Braxton a wòrdu interogá pa polis, pero no a presentá kargo kontra dje.
Outoridatnan a bisa ku lo investigá morto di e mucha, pa determiná si ta presentá kargo. E pruebanan lo wòrdu presentá outomátikamente na un hurado di investigashon pa determiná si e akshonnan di e agente tabata hustifiká.
