BATON ROUGE, LOUISIANNA, MERKA, AP.- Un grupo di organisashon lokal a demanda polis di Baton Rouge pa e trato ku esaki a duna manifestantenan ku tabata protesta pa morto di un hòmber kolo skur di 37 aña kometé pa agentenan. Union Amerikano di Libertador sivil na Louisiana a anunsiá e demanda djárason. E gruponan ta argumentá ku outoridat a usa forsa eksesivo, efektuá detenshon masivo i abusá físikamente i verbalmente di e manifestantenan. E demanda ta deskribí e protesta komo pasífiko i e ta kulpa forsa di òrdu pa hasi e situashon mas grave. E morto di Alton Sterling siman pasá na man di dos polis koló kla a lòs indignashon na hopi integrantenan di e komunidat skur.
Polis a enfrentá krítikanan duru pa e strategianan ku esaki a apliká riba manifestantenan fin di siman. E polisnan a detené 200 persona durante un periodo di 3 dia.
