WILLEMSTAD – Awe mainta Politur a bai na Megapir na momentu ku tabatin dos barku di turista ku a drenta. Ei a bin topa ku persona di otro nashonalidat ku tabata operá un taxi klandestino pa rekohé e turistanan ku a kaba desbordá e barkunan. E shofùr a reakshoná no den bon forma ku Politur i ademas su vehíkulo tabata den un estado basta fo’i òrdu. Ademas di esei ningun papel no tabata na ordu. A konfiská e vehíkulo i ku kran a hiba esaki Warda di Polis.
