BOHONIKI, POLONIA, AFP.- Promé minister polako Mateusz Morawiecki a bisa djadumingu ku e krísis di migrante na frontera di Belarus i Polonia, ta e “intento di mas signifikante pa destabilisá Europa” desde Guera Friu.

E premier a hasi e remarkenan promé ku un reunion ku lidernan di EU pa trata akusashonnan ku e pais ta kibrando ku e bloke su prinsipionan demokrátiko, i evitá ku e tenshon ku Bruselas ta sigui empeorá.

Union Europeo a bisa ku Belarus ta responsabel pa krea e krísis, pa motibu ku e pais ta trese migrantenan na frontera, primintiendo nan un entrada fásil den Union Europeo.

Belarus a ninga e akusashon aki, i kritiká Union Europeo pa no aseptá e migrantenan. Ofisialnan di Belarus ta forsa e migrantenan pa krusa frontera, pero outoridatnan polako ta rechasá nan i manda nan Belarus bèk.

Morawiecki a bisa ku e presidente di Belarus, Alexander Lukashenko, ta hañando respaldo di presidente ruso Vladimir Putin.

Lukashenko a bisa na BBC ku ta posibel ku e pais su forsanan a yuda algun hende krusa i drenta UE pero a ninga ku a organisá e operashon aki.

LAGA UN KOMENTARIO

Please enter your comment!
Please enter your name here