WASHINGTON, MERKA, AFP.- E hefe di diplomasia merikano, Mike Pompeo lo bishitá Boa Vista i Roraima den Brasil, na frontera ku Venezuela. E bishita ta forma parti di un gira ku ta kuminsá mañan kaminda e lo bishitá Sürnam, Guyana i Colombia segun su bosero.
E biahe aki ta “destaká Merka su kompromiso pa defendé demokrasia i kombatí COVID-19 i alabes revitalisando nos ekonomia despues di e pandemia i tambe fortalesé seguridat kontra tur menasa den region”, asina e bosero di Departamento di Estado Morgan Ortagus a bisa den un komunikado.
Ademas, Pompeo lo analisá e situashon na Venezuela ku presidente kolombiano Ivan Duque. Nan lo reuní na Bogotá pa papia evaluá e asosiashon entre ámbos pais, segun e Departamento di Estado.
Pompeo lo sera su biahe ku un bishita ta Plano, Texas pa “evaluá e prioridatnan di departamento di Estado den Iglesia Bautista Prestonwood”, sede di un kongregashon kresiente di fielnan hispániko.
