WASHINGTON, AP.- E sekretario di estado merikano a nombra un direktor haltu di Ford Motor Co., komo e persona spesial pa biaha pa Pyongyang kuné otro siman.

Pompeo a informá di a nombra Stephen Biegun pa manehá a negosiashonnan diario ku Nort, riba e desmantelamentu di su programa di arma nuklear. Pompeo, kende ta enkabesá e tópiko di Nort aki ku presidente Donald Trump, ya a biaha tres biaha pa e kapital norkoreano desde aprel. No tin muchu indikashon di progresonan den e negosiashonnan.

Pompeo a bisa ku e i Biegun lo biaha pa Norkorea “pa hasi mas progreso diplomátiko pa nos ophetivo” di su desnuklearisashon total i final. E no a duna mas detaye di e biahe.

Den deklarashon na reporteronan den Departamento di Estado, Pompeo i Biegun a indiká ku e lider norkoreano KIm Jong a primintí un desnuklearisashon den su pais durante su reunion ku Trump den luna di yüni.

“E asuntunan ku mester wòrdu tratá ta difísil pa resolvé”, asina Biegun a indiká. “Pero e presidente a krea un apertura i esaki ta algu ku nos mester probechá usa na tur okashon posibel pa kumpli ku e vishon di un futuro pasífiko pa e pueblo di Norkorea. Esaki ta kuminsá ku e desnuklearisashon final i verifiká di Norkorea.

LAGA UN KOMENTARIO

Please enter your comment!
Please enter your name here