MAIDUGURI, NIGERIA, AFP.- Por lo ménos 110 sivil a keda asesiná djasabra den un attake na nortost di Nigeria kual ta pasando dor di un serie di violensia di insurgentenan yihat pa mas di un dékada kaba, segun indikashon di Nashon Uní.
“Hòmbernan armá a yega riba motersaikel i ataká hòmber i muhénan ku tabata traha riba kampo di Koshobe”, segun indikashon di e koordinadó humanitario di Nashon Uní na Nigeria, Edward Kallon.
“Por lo ménos 1001 sivil a muri kruelmente i vários mas a resultá heridá”, segun indikashon di Kallon, kende a bisa ku e atake ta esun di mas brutal ehekutá kontra sivilnan e aña aki den e region.
E komunikado di Nashon Uní no ta menshoná e grupo yihat, Boko Haram, ni e grupo disidente Estado Islámiko di Afrika Oksidental (ISWAP). Nan ta kontrolá un parti di e teritorio nigeriano.
Ofisialnan di un milisia pro gobièrnu a informá djasabra inisialmente ku 43 agrikultor a muri.
Luna pasá 22 agrikultor a keda asesiná riba nan kampo, serka di Maiduguri.
E presidente di Nigeria, Muhammadu Buhari a “kondena” e asesinato den un komunikado. Mas di 36.000 persona a muri den aktonan di violensia na komienso di e konflikto na nortost di Nigeria.
